Qeqertarsuarmit kujammut Nanortalik ilanngullugu appanniarneq unittoq
Qeqertarsuup aqutsiveqarfianit kujammut Nanortallup aqutsiveqarfia ilanngullugu appanniarneq unitsinneqarpoq.
Allattoq Karsten Sommer
Nutserisoq Simon Uldum -
Nunap immikkoortuani pineqartumi appanniarneq decembarip 15-iani unnuap qeqqanut unitsinneqartoq, Piniarnermut naalakkersuisoqarfik kingusinnaalaarluni tusagassiorfinnut nalunalunaaruteqarluni ippassaq marlunngornermi taama ilisimatitsivoq.
Tunumi zone 4-mi appanniarneq decembarip 31-ani unissaaq.
Qaanaallu aqutsiveqarfiani appanniarneq februaarip 28-anut ingerlanneqassaaq.
Piffissat maleruagassani aalajangersarneqartut saniatigut appanniarneq unioqqutitsinertut isigineqarpoq, maleruagassallu malinneqanngippata politiinut unnerluutiginninnermik kinguneqartinneqarsinnaavoq, naalakkersuisoqarfik taama erseqqissaavoq.