Qeqertarsuarmi puilasup ernganik tunisassiulernissaq aarlerinartoqanngilaq

Qeqertarsuarmi puilasup ernganik tunisassiulernissaq pilersaarutit naapertorlugit ingerlavoq, tatiginninnginnermillu oqalunneq pissutissaqanngilaq, taama oqarpoq, Inuussutissarsiorneq pillugu pisortaqarfimmi pisortaq Peter Hansen. Taassuma tusagassiutitigoortumik saqitsaanneq ilisarisinnaannginerarpaa.

Ippassaq suliffeqarfik Greenland Spring Water kiisalu Københavnimi ingeniørit tunisassiulernissaq ataqatigiissaarniarlugu ataatsimiipput.

Taakku isumaqatigiissutigaat, puilasup ernganik tunisassiulernissaq Greenland Spring Water-ip akilissagaa, suliaq ingerlaqqissinnaaniassammat.

Peter Hansenip oqaatigisinnaannginnerarpaa aningaasanik qassinik akiliisoqassanersoq, taamaallaalli tatiginninnginnermik oqaluttoqannginnissaa innersuussutigiinnarsinnaallugu.

- Pissutsit pissusissamittut ingerlapput, oqarpoq.

Taamatuttaaq Greenland Spring Water suliassaq pillugu nalunaarusiamik tunniussissasoq unnerpaa.