Qeqertarsuarmi Politiit suli ujaasipput
46-nik ukiulik, Mads Mølgård, decembarip ulluisa 21-ani kingullermik takuneqartoq Qeqertarsuarmi politiit ullumi juullip ulluisa aappaanni suli ujaaraat.
decembarip 26-at 2007 17:33
Mads Mølgård qaqortumik Poca 550-mik 100 hk yamahamik motorilimmik angallateqartoq Qeqertarsuup kitaanut aallarsimavoq.
-Qulimiguullip Uummanniartup aqqutissaa allanngortillatsiarparput, Qeqertarsuup kitaata avannaani Vaigat-ip aamma Qeqertarsuatsiap, tassa Hareø-p, eqqaanni sineriak misissuivigitipparput, kisianni Mads Mølgård neriuutigisatsitut nassaarinngilarput, Qeqertarsuarmi politiassistenti, Ole Jens Lundblad unnumanna ilisimatitsivoq.
Angallatit arlallit nammineq piumassutsiminnik Qeqertarsuarmiit Aasianniillu aamma ujaaseqataagaluarput.
Mads Mølgårdimik takunnissimasinnaasut Qeqertarsuarmi politiinut sianersinnaapput oqarasuaammut 54 13 22-mut, tassa 54 13 22.
