Qeqertarsuarmi nuna sajuttoq
![Epicenteret lå kun 7 km nord-øst for Qeqertarsuaq.](/sites/default/files/styles/image_934x467/public/article_images/jordskaelv_qeqertarsuaq.jpg?itok=aKsPVoFl)
Nunap sajunnera Richterip uuttuutaa malillugu 2.3-mut uuttortarneqarpoq, GEUS-illu Nunatsinni uuttortaaviini arlalinni uuttortarneqarsimalluni, Naalagaaffiup Danmarkimi Kalallit Nunaannilu Ujarassiornikkut Misissuisoqarfia (GEUS), nittartakkamini taama allaaserisaqarpoq.
GEUS-ip naatsorsuinerigallagai malillugit nunap sajunnera kilometerinik 31-nik itissusilimmi pisimavoq.
![Seismogram fra GEUS' målestationen i Kangerlussuaq.](/sites/default/files/styles/image_934x467/public/nyhed_6-10-2014b.jpg?itok=d9QcRQRm)
- Illoqarfimmiorpassuit nunap sajunnera malugaat qanngorpallanneralu tusaallugu, aamma illut sajupput. Timersortarfissuarmi arsartoqarnerani nunap sajunnera aamma malugineqarpoq, timersortarfissuaq sajulluni.
- Qimmit aamma tatammutileraluarput, Qeqertarsuarmiut ilaata nunap sajunnera KNR-imut taama oqaluttuaraa.
Illoqarfimmili utoqqaat illuanni nunap sajunnera tupaallaatigineqartorsuunngilaq, najugaqartummi isumaqarsimammata qanngorpallannera matup matorlunneqarneranik pissuteqartoq.
Inunnik illunillu ajoqusertoqarsimaneranik tusarliussaqartoqanngilaq.
Nunap sajunneranik misigisaqartut tusagaqarfigerusukkaat
Qeqertarsuarmi tallimanngormat nunap sajunneranut atatillugu inuit misigisaat GEUS-ip tusagaqarfigerusuppai. Tamanna GEUS-ip nittartagaani immersugassamik immersuinikkut pisissaavoq. Una toorlugu nittartagaq iserfigineqarsinnaavoq.