Qeqertarsuarmi meeqqanik atornerluisoqaqqippoq

Qeqertarsuarmi 1054-inik innuttaqartumi kingumut meeqqanik pingasut sisamat missaanniittunik kinguaassiutitigut atornerluisoqaqqippoq.

Qeqertarsuarmi pinaveersaartitsinermi siunnersorti Maasinnguaq Berthelsen pisoq pillugu ima oqarpoq.

- Kinguaassiutitigut atornerluineq suliassaq siulleq annertooq assigiinngitsutigut ilinniarfigingaatsiarnikuuarput, uungalu suliassamut nutaamut takkuttumut suliaq taanna ingerlateqqipparput, Maasinnguaq Berthelsen oqarpoq.

Taanna nassuiaavoq angajoqqaat meeqqallu eqqugaasut oqaloqatigineqartartut.

- Taartuinnarmik eqqarsanngilagut suliniutillu isumalluarfigalugillu ilinniarfigaavut. Innuttaasut suleqataanerusariaqarput, soorlu paasisitsiniaanertigut, ataatsimiisitsinertigut aammalu kinguaassiutitigut atornerluisarneq akiorniarlugu ingerlaaqatigiinnernik pilersitsinikkut, ataatsimuualaanerittaaq pisartussaapput, Maasinnguaq Berthelsen oqarpoq.

Taanna aamma nassuiaavoq eqqorneqartut tarnip pissusaanik ilisimasalimmik oqaloqateqartartut ukulu suli sakkortunermik eqqorneqarsimasut Nuuliaanneqarlutik tarnip nakorsaanik isumagineqartut.

Aperaarput ilimagineqarsinnaanersoq meeqqanit pingasuusuniit suli amerlanerusunik atornerluisoqarsimaratarsinnaanera.

- Tamanna qulakkeerniarlugu kinguaassiutitigut atornerluisoq oqaloqatigineqarnikuuvoq, taamaattumik isumaqarpunga amerlassusissaat qularnaapajaarsimallutigik. Massakkut misissuineq uunga killippoq qularnaarniarlutigu atornerluinerup qanoq sakkortutigisumik inissisimanera, taama oqarpoq Qeqertarsuarmi pinaveersaartitsinermi siunnersorti Maasinnguaq Berthelsen.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat