Qeqertarsuarmi kulturikkut suliniaqatigiit aallartinneqartut
Qeqertarsuarmi kulturikkut suliniaqatigiit, QKS, aallartinneqartoq peqatigiiffiit pisortallu peqatigalugit kaammattuisarlunilu pisussanik suliniuteqartartussaavoq
Allattoq Jaaku Lyberth
Suliniutit siulliit ilaattut QKS timersortarfimmi innuttaasunut juullerpalaartitsissamaarpoq.
Kulturikkut suliniutit ilaatigut kommunemit aningaasaliiffigineqartassapput ilaatigulli aningaasaateqarfiit qinnuteqarfiginerisigut piviusunngortitsisoqartassalluni.
Peqatigiiffik oktobarimi aallartinneqarpoq, novembarillu naajartornerani inuit 60-it ikumatitanik tigummiarlutik angalaaqatigiillutik katersortarfiliaariarlutik inuit 150-it peqataaffigisaannik unnussiuaartitsisoqarsimavoq, massakkullu tassa Qeqertarsuarmiut juullerpalaartinneqarnissaat aaqqissuussanut tullinnguuttoq ataqatigiissaarisup Linda Grønvoldip oqaatigaa.