Qeqertarsuarmi Augusta Salling borgmesterinngorpoq
maajip 20-at 2005 16:15
Qeqertarsuup Kommuneani kommunalbestyrelse ullumi inissitsiterpoq. Atassut Inuit Ataqatigiillu politikkikkut suleqatigiinnissamik isumaqatigiissuteqarput, taamaalillutillu Atassummeersoq Augusta Salling borgmesterinngortillugu.
Borgmesterip tulliatut siullertut Inuit Ataqatigiinneersoq Bia Andersen Broberg inissippoq, qinerseqatigiittarnissamillu isumaqatigiissuteqarfigineqartoq Demokraatineersoq Kristian Broberg borgmesterip tulliata aappaatut inissilluni.
Siumut qinigaaffimmi kingullermi borgmesteriutitaqartoq taamaalilluni partiinit kisiartaalluni maanna illua´tungiliuttunngorpoq.
Atassut pingasunik, Inuit Ataqatigiit Demokraatillu tamarmik immikkut ataatsimik kiisalu Siumut marlunnik kommunalbestyrelsemut ilaasortaatitaqarput.
