Arktisk Stationi Issittoq pillugu ilisimatuunit Qeqertarsuup Tunuani 1906-imili misissuiffiulerpoq.Assi: Københavns Universitet

Qeqertarsuarmi Arktisk Stationi nutarterneqartussanngortoq

Arktisk Stationi nutartertariaqalermat tassani siniffiit 26-usut 40-nngorlugit allilerneqartussanngorpoq. Misissuiffiit aamma pitsanngorsassapput.

Qeqertarsuarmi Arktisk Stationi nutarterneqassaaq. 

Septembarimi nutarterneqalissaaq, pilersaarutillu malillugit aappaagu aasakkut naammassineqassalluni.

Københavns Universiteti tusagassiorfinnut taama nalunaarpoq.

Arktisk Stationi Issittoq pillugu Qeqertarsuup Tunuani ilisimatuunit 1906-imili misissuiffiulerpoq. Ingammik silap pissusiata allanngoriartornerata Issittumut sunniutai Arktisk Stationimi ukiuni 20-ni kingullerni misissorneqarput.

Arktisk Stationi nutartertariaqalermat tassani siniffiit 26-usut 40-nngorlugit allilerneqartussanngorpoq. Misissuiffiit aamma pitsanngorsassapput.

Københavns Universitetip Arktisk Stationi pigalugulu tassani suliniutinut aningaasalersuisuuvoq.

Pinngortitamik ilisimatuut Arktisk Stationimi najugarsinnaallutillu misissuinermut atortorissaarutit atorsinnaasarpaat. 

Arktisk Stationeqarfik allanngutsaalisaavoq, tassanilu nunap ilamernga nunatta naasuisa ilarpassuanik naasoqarfiuvoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat