Qeqertarsuarmi Arktisk Stationi nutarterneqartussanngortoq

Qeqertarsuarmi Arktisk Stationi nutarterneqassaaq. 

Septembarimi nutarterneqalissaaq, pilersaarutillu malillugit aappaagu aasakkut naammassineqassalluni.

Københavns Universiteti tusagassiorfinnut taama nalunaarpoq.

Arktisk Stationi Issittoq pillugu Qeqertarsuup Tunuani ilisimatuunit 1906-imili misissuiffiulerpoq. Ingammik silap pissusiata allanngoriartornerata Issittumut sunniutai Arktisk Stationimi ukiuni 20-ni kingullerni misissorneqarput.

Arktisk Stationi nutartertariaqalermat tassani siniffiit 26-usut 40-nngorlugit allilerneqartussanngorpoq. Misissuiffiit aamma pitsanngorsassapput.

Københavns Universitetip Arktisk Stationi pigalugulu tassani suliniutinut aningaasalersuisuuvoq.

Pinngortitamik ilisimatuut Arktisk Stationimi najugarsinnaallutillu misissuinermut atortorissaarutit atorsinnaasarpaat. 

Arktisk Stationeqarfik allanngutsaalisaavoq, tassanilu nunap ilamernga nunatta naasuisa ilarpassuanik naasoqarfiuvoq.