Qeqertarsuaq kommunerujussuanngortussami sunniuteqarusuppoq
Qeqertarsuup kommune-ani borgmester-ip aallaqqanermini, borgmester-ip suliassaanik bormesterip tullersortaanut tunniussisannginnera naammaginagu, komuunerujussuanngortussamilu sunniuteqaqataanerujumallutik, Siumut Inuit Ataqatigiillu Qeqertarsuup kommunalbestyrelse-ani suleqatigiilerput, Qeqersuarmi Siumup siulittaasua Ove Berthelsen oqarpoq. Qeqertarsuarmi Inuit Ataqatigiit Atassullu suleqatigiissimagaluarput.
Piffissami kingullermi malunnarsiartorpoq aamma Inuit Ataqatigiit akornanni Borgmesterip aallartarnerminni angalasarnermini Landstingimi allanilu kommunimut attuumassuteqanngitsunut angalasarnermini, viceborgmesterip suliassaanik tamakkiisumik atortanngikkaa, landstingimiikaluaraangamiluunniit borgmesteritut sulineq nassaataarisaraa tamannalu Inuit Ataqatigiit akuerijuminaatsisimavaat. Piffissami kingullermi Borgmesterip Qeqertarsuup kommunea kommunerujussuarmut ilanngutinnginnissaa anguniarsimagaluarpaa, piffissarlu kingulleq atorlugu kommunerujussuanngornissamut ikaarsimalluni, Qeqertarsuarmi Siumut siulitaasut Ove Berthelsen oqarpoq. Maannakkut Inuit Ataqatigiit Siumullu Qeqertarsuarmi Kommunerujussunngortussami sunniuteqaqataanissani anguniassavaa, Ove Berthelsen oqarpoq,.
Qeqertarsuarmi kommunalbestyrelse-p immikkut ittumik ataatsimiinnissaa suleqatigiilersut isumaqatigiissutaannut ilaavoq, naatsersuutigineqarporlu qaammatip maajip naannginnerani immikkut ittumik ataatsimiittoqarumaartoq.
