Qeqertarsuaq amigartoorpoq
juulip 15-at 2005 05:41
Qeqertarsuup Kommunea ukiumoortumik siorna naatsorsuutimini 9 million koruuningajalluinnarnik amigartooruteqarpoq.
Amigartoornerup kingunerisaanik 5 million koruuninik atorniarnissaminik kommunalbestyrelse Naalakkersuisunut saaffiginnissuteqarpoq.
Aningaasanik immikkut qinnuteqartariaqalernermut patsisaavoq, sulianik aningaasartuutinik akuersissutitaqanngitsunik 2004-mi ilaatigut aallartitsisoqartarsimasoq kommunalbestyrelsip nutaap paasisimammagu.
Qeqertarsuup Kommuneata aningaasaqarniarnikkut ajornartorsiuteqarneranut tamakku ilaatigut pissutaasut, borgmester Augusta Salling tusagassiutitigut nalunaarummini allappoq.
