Qeqertaq Fish saliinissamut aningaasaleeqataavoq
- Ullumikkorpiaq nalunaarfigineqarpugut tunitsiveerannguaq Qeqertaq Fish ApS, 50.000 koruuninik aninngaasaleeqataarusuttoq, aalisarnermut naalakkersuisoq Ane hansen, IA, oqarpoq.
- Aamma allat aninngaaleeqataarusuttut qanorlu amerlatigisunik aningaasaleeqataarusuttut massakkut utaqqivavut. Taakkua Qaasuitsullu kommunia qanoq amerlatigisunik aningaasaliuumanersut aalajangissavaat imartaq qanoq annertutigisoq salinneqarumaarnersoq, Ane Hansen oqarpoq.
Qeqertaq Fish ApS-p saniatigut Royal Greenland Upernavik Seafoodilu tapersuissallutik nalunaareersimasut aalisarnermut naalakkersuisup oqaatigaa.
Saliinissaq massakkut piareersarneqarpoq.
- Angallatit suut atorneqassanersut saliinerullu qanoq ingerlanneqarnissaa massakkut piareersarneqarpoq, naatsorsuutigaara sapaatit akunnerata tullia saliineq aallartissasoq, Ane Hansen radioaviisimut oqarpoq.
Pingaarnerpaatippaali ukiuni tulliuttuni piareersakkamik pilersaarusiukkamik pitsaasumillu salisoqartalernissaa.