Qeqertaq Fish: Ningittakkat oqummersallu nakkutigisariaqarput
Radioaviisimi ippassaq oqaatigineqarpoq, qassutaarsiutinik saliinissamut, sapaatip akunnerata tulliani aallartittussamut, Qeqertaq Fish ApS 50.000 koruuninik aningaasaleeqataassalluni nalunaarsimasoq.
- Torsukattaap paavata tungaani siornarnisanik siornaarnissanillu qassutaarsiutikoqarpoq, tamakkulu piaartumik qallorneqarnissaat pingaaruteqarpoq, Mikkel Jerimiassen oqarpoq.
Aalisartunik suleqateqarluarnikkut paasereerneqartarpoq tunineqartartut qassutinik ningittakkanilluunniit pisaanersut. Aamma paasereerneqartarpoq qassutit qassit atorneqarnersut, ningittakkanilu oqummersat qassiunersut, kiisalu sumi ningitsisoqarsimanersoq.
- Aalisartut pisussaaffigaat tamakkua uagutsinnut nalunaarutigissalugit, tamannalu nalinginnaavoq, Mikkel Jerimiassen radioaviisimut oqarpoq.
Ningittakkanik pisat pitsaanerpaajusut aamma oqaatigaa.
Qalerallit amerlanerit ningittagarsuutaanerusunik pisat Qeqertaq Fishimut tunineqartarput, naatsorsuutigineqarporlu 1500 tonsit missaat ukioq-manna tunineqarumaartut.
Qeqertaq Fish ApSimi sulisut sapaatip akunnerani uani katillugit 28-upput. Ilulissat avannaatungaani nunaqarfik Qeqertaq 130-t missaannik inoqarpoq.