Samoami naalakkersuisut innutaasunut sapaatip akunnerata naanerani nalunaaruteqarput, kikkut tamarmik akiuussutissamik kapineqassasut,Assi: Lukas Schulze/AFP/Ritzau Scanpix

Qeqertani sukannersumik aqutsineq atuutilerpoq toqusoqarnerata kingorna

Manerassuarmi qeqertami Samoami mæslingemik nappaateqarlutik toqusut arlalinngormata nunami sukannersumik aqutsisoqalernissaq sapaatip akunnerata naanerani atuutilerpoq.

Atuarfiit tamarmik matuneqarput, inuillu amerlasuut katersuutinnginnissaat oqartussaasunit anguniarneqarpoq.

Mæslingertoqarnerata kingorna toqusoqarsimaneranik nalunaaruteqartoqartoq oktoberip naalernerani.

Tamatuma kingorna mæslingemik tunillaassuttoqarneranik naalakkersuisut nalunaaruteqarput.

Mæslingimik nappaalanerup allartinneqarneranit inuit arfinillit toqupput.

Toqusut amerlanerit meeraapput marluk inorlugit ukioqartut, Samoami peqqissutsimut ministerip sapaatip akunnerata siuliani tamanna nalunaarutigaa.

Meeqqat toqusut mæslingemut akiuussutissamik kapineqarsimanngillat.

Samoami naalakkersuisut innutaasunut sapaatip akunnerata naanerani nalunaaruteqarput, kikkut tamarmik akiuussutissamik kapineqassasut,

Samoami innutaasut pingasorarterutaat akiuussutissamik kapineqarput.

Samoami innutaasut 200.000-it missaanniipput.

Samoami qeqertat manerassuarmiittut New Zealandip Hawaillu akornanniipput.

- Akiuussutissamik kapineqarsimasut taama ikitsigitillugit ajorluinnartumik kinguneqarsinnaanera naatsorsuutigisinnaavarput, Samoami peqqissutsimut ministereqarfimmi pisortaq Leausa Take Naseri oqarpoq.

New Zealandip nunanut allanut tunngasunut ministeriata Winston Petersip tallimanngormat neriorsuutigaa, akiuussutissanik 3000-nik nassitsiniarluni peqqissaasullu aqqaneq marluk Samoalertinneqassasut, mæslingemik nappaalanerup akiorniarneqarneranut ikiuuttussanik.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat