Qeqertami imeq bakteriaqarpallaalersimasoq
Qeqertami imeq bakteriaqarpallaalersimasoq paasineqarpoq.
Allattoq Anders Dall
Nutserisoq Ivik Kristiansen
Nunaqarfimmi imeqarfik bakteeriaqarpallaartoq misissuinermi kingullermi uppernarsineqarpoq. Namminersorlutik Oqartussat tusagassiorfinnut taama nalunaarput.
Nunaqarfimmi najugallit innersuunneqarput, imeq qalateqqaarlugu imerneqassasoq taavalu illup iluani atorneqassasoq.
Qalatitsinissamut innersuut unitsinneqarumaarpoq, erngup ajoquteqarunnaarnera misissuinerit nutaat takutippassuk.