Hans Peter Poulsen januaarip aallaqqaataani 2018-imi atorfinippoq.Assi: Kommune Qeqertalik

Qeqertalimmi kommunaldirektøri taamaatilersoq

Hans Peter Poulsen Kommune Qeqertalimmi kommunaldirektøritut tunuarniarluni nalunaarpoq.

Kommunip borgmesteria, Ane Hansen, tusagassiuutitigut taama nalunaaruteqarpoq.

- Kommunip nutaajusup Kommune Qeqertaliup aallartisarnerani, aaqqissuusseriaatsimik nutaamik sinaakkusersuisimasumik pitsaasumik kommunaldirektøreqarsimanera nuannaarutigeqaarput, ilisimavarpullu taartissaanik nassaarniarnissaq ajornakusoortussaasoq.

- Illuatungaatigulli Hans Piitap aalajangernera aamma ataqqiniarparput, qularinnginnatsigu aalajangerneq eqqarsaatigilluaqqaarlugu pisimasoq, Ane Hansen oqarpoq.

AAMMA ATUARUK Kommune Qeqertalik ikiorneqarnissaminik pisariaqartitsinngilaq

Hans Peter Poulsen kommunip januaarip aallaqqaataani 2018-imi atuutilerneranit kommunaldirektøritut atorfeqalerpoq, kommunillu pilersikkiartuaarnerani kommunip nutaamik aaqqissugaaneranut aaqqissuisuulluni.

Hans Peter Poulsenip piffissami qaninnermi suliani assigiinngitsut agguataassavai kommunimilu kingusinnerpaamik oktobarip naggataani kingullermik sulissalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat