Qeerlutuut nungutaalersut arnaviartartik soqutiginngilaat
Tuluit Nunaanni illoqarfimmi Susseximi timmissanik nuannarisalinnut takornarniartartunut nuannaariartarfeqarpoq, tassaniittunullu ilaavoq qeerlutooq arnaviaq, Cherry-mik ateqartitaq. Qeerlutuut taakku, ”Blue Duck”-inik taaguutillit, qaqutigoortorujussuupput nungutaaqqajaallutillu. Cherry utoqqasaanngoreerpoq, taamaammallu takornarniartarfimmi sulisut neriuutigaat utoqqalivallaartinnani arlalinnik piarartaarsinnaassasoq.
marsip 19-at 2009 17:08
Qeerlutuut angutivissat marluk arnavissap najugarisaanut ungalulimmut nuunneqarput, susoqanngilarli. Taakku Cherry soqutiginngilaat, kisianni angutivissat taakku marluk peerariilerput.
- Imminnut qimanngisaannarput, ungaluliami ingerlaqatigiittuaannarput, imminnut qarlorfigiitigalutik, takornarniartarfimmi sulisoq, Paul Stevens oqaluttuarpoq. Qeerlutuut angutivissat peerariit taakku asanneqisut tuluit aviisiisa arlallit sapaatip akunnerata ataatsip ingerlanerani assut allaaserisarpaat, aatsaammi qeerlutuunik anguteqatiminnoortunik naammattoorsisoqarpoq.
- Inuit takornarniartarfimmut takkuttartut qeerlutuut angutivissat peerariit alutoreqaat kusageqalugillu, Paul Stevens internetaviisinit arlalinnit issuarneqarpoq.
