Qeerlutuuaraasat Ilulissat eqqaanni nassaarineqarsinnaalissapput

Qeerlutuuaraasat sungaartut taakku sermersuup aakkiartornerani imaanut avalassapput, taamaalillutillu Ilulissat avataani imaluunniit Qeqertaaluup kangerliumarnani nassaarineqarsinnaalissagunarlutik.

Ilisimatuut neriupput aalisartut, piniartut allallu imaani angalasut qeerlutuuaraasanik gummiusunik sungaartunik nassaaraangamik sumi nassaarisimanerlugit nalunaarutigisassagaat.

Qeerlutuuaraasat pinnguaannaannginnerat ersersinniarlugu oqaatsit pingasut atorlugit nalunaaqutsersugaapput, ilisimatusarnermut atatillugu misissuinermut ilaanerarneqarlutik. Aamma nalunaarutigineqarpoq nassaartoq akissarsiassaqartoq, nassaartullu qarasaasiatigut attaveqarfissaa e-mail-adresse allassimavoq.

Ilisimatuut sermersuup aakkiartornerata sukkassusia malinnaaviginiassammassuk sumi nassaarineqarsimanerat nalunaarutigissallugu pingaaruteqarpoq.

Ulloq mannamulli nassaartunik nalunaartoqanngitsoq, amerikamiut avataarsualiartitsisarfianniit NASA-miit Alberto Behar nutaarsiassaqartitsivimmut Reutersimut nalunaarpoq.