Qeeratsiarsuaq qerisoq, naavi oorinik ulikkaartut Narsarsuarmi arsaarinnissutigineqaqqammerpoq.
Qaqortumi politeeqarfimmi pisortaq Jack Nathansen oqarpoq, mittarfeqarfimmi tikittunik aallartunillu misissuinermi ikiaroornartumut attuumassutilinnik pingasunik paasisaqarsimallutik.
Security-personalet nalinginnaasumik nassatanik misissuitillutik pingasunngormat eqqumiitsumik maluginiagaqarput. Aalisagaq qerisoq iluaniittulik politiinut misissugassanngortippaat.
Aningaasat 25.000 koruunit puussiamut plastikkimut puukkat qeeqqap iluani nassaarineqarput.
- Qularnanngilaq ikiaroornartumut attuumassuteqarsimassapput, Jack Nathansen oqarpoq.
Aningaasat nalinginnaasumik aningaasivimmiorinagit qerisumut toqqorsimanerat eqqarsaatigalugu pasinartoqartoq politiit oqarput.
- Suliaq misissoqqinneqassaaq. Kingornalu akiliisitsinermik kinguneqassagunarpoq. Annisseriaraluartoq aallarfissaminut ingerlaannarpoq aalisagarli aningaasallu arsaarinnissutigineqarlutik, Jack Nathansen oqarpoq.
Narsarsuup mittarfiani misissuinermi marlunnik allanik arsaarinnittoqarpoq.
- Tikittut arsaarinniffiupput. Ikiaroornartumik 100 grammimik aamma 12 grammimik paarisalinnik eqqusseriaraluartoqarpoq, taakkulu eqqussisut inuit marluk nalinginnaasumik akiliisitsinermik pineqaatissinneqassapput, Jack Nathansen oqarpoq.