Assi: Google Street View

Parisimi qaartoorneq Qatserisartut marluk takornariarlu ajunaarput

Parisimi iffiorfimmi gassimik qaartoortoqarmat qatserisartut marluk, takornariarlu arnaq spaniaminngaaneersoq ajunaarput, franskit nunamut namminermut ministerit Christophe Castaner. Inuit 47-it ikiligaapput qulit inuunerminnik ulorianartorsiorlutik.

Castanerip erseqqissaatigaa, annaassiniartut sapiitsuliungaarlutik annaassiniarsimasut.

Qatserisartut ilaat, akunnerit marluk affarlu  qarmanit matoorussaaqqareerluni annaanneqarpoq.
Qaartoorneq gassimit aniasoornermit pissuteqarsorineqarpoq,  qatserisartullu 200-it missaannik amerlatigisut annaassiniarnermi peqataapput.

Qaartoortoqarnerani igalaat aseruatiterput, biilit uppikaallutik inuillu amerlasuut ajoquserput, qaartoortoqarnera Parisip qiterpasinnerusortaani tamarmi tusaaneqarsinnaasimavoq.

Qaartoortoqarnera sumiiffinni arlalinni ernumalersitsivoq,  pisortanit ernummatigineqarmat sungaartunik vestillit amerlasuut sapaatip akunnerata naanerani annertuumik akerliussutsimik  takutitsinissaat

Politiit 5000-nik amerlanerusut Parisimi sumiiffinni assigiinngitsuni piareersimatinneqarput.
Ajutoorfiusumut qanillattunnginnissaq danskit nunanut allanut tunngasunut ministereqarfiata kaammaatuutigaa.

/ritzau/AP

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat