Qatserisartut marluk ajunaarput
Qatserisartut taakku biiliat Los Angelesimiit kilometerit 40-t missaannik ungasitsigisumi illoqarfiup Actonip qanittuani qaqqatigoortilluni nakkakattarpoq, orpippassuit Mount Gleasonip qanittuaniittut ikuallattut qatseriartoraluarlugit. Aviisip Politikenip nittartagaani taama allaaserinnipput.
Los Angeles National Forestip La Canada Flintridgellu akornanni orpippassuit ikuallallutik aallartipput. Ajunaartoqanngilaq, inuilli pingasut uutiterput, angerlarsimaffiillu pingasut nungullutik aamma ikuallapput. Inuit tusindtilikkaat qimagussorneqartariaqarsimapput, Californiami guvernøri, Arnold Schwarzenegger ippassaq taama peqqusimmat.
Qatserisartut 2.800-init amerlanerusut sullipput, angerlarsimaffiimmi 10.000-it, pisiniarfiit 500-it illullu 2.000-it navianartorsiorput, TV-qarfissuaq CNN naapertorlugu Forest Service ilisimatitsivoq.
Qatserisartut pisortaat, U.S Forest Service-meersoq, Mike Dietrich, oqarpoq, ikuallanneq suli sakkortoqisoq, ilimaginerarpaalu ullup ilaa suli navianartorsiortoqarallassasoq.
