Qatserisartut Ilulissani pikkorissartut
Qatserisartut tunngaviusumik pikkorissartinneqarnerini, apriilip 18-ianit 27-ianut ingerlanneqartumi, kommunimi illoqarfinnit nunaqarfinniillu peqataasut 15-iupput. Pikkorissarneq Ilulissani ingerlanneqarpoq.
Allattoq Peter Troelsen, Simon Uldum
Pikkorissartut ulluni siullerni pingasuni ikiueqqaarnermik ilinniartinneqarput, misilitsinnermilu peqataasut tamarmik angusillutik. Tamatuma kingorna pikkorissartut ikuallattunik qamisaanermut periaatsinik assigiinngitsunik ilinniartinneqarput, qatserisartutut nalinginnaasumik ilisimasassanik aallaavigalugit.
-Pikkorissaaneq ingerlanneqartoq Qaasuitsup Kommuniata qatserisartoqarfianik ineriartortinneqarsimavoq. Pikkorissartut, tunngaviusumik pikkorissarnertik naammasseriarunikku, røgdykkeritut ingerlaqqissinnaapput. upalungaarsimaniarnermi pisortaq Amos Pjettursson nassuiaavoq.