Qatserisartut akissaatit pillugit isumaqatigiissusiortut

Qatserisartut oqaluttuarisaanermi siullerpaamik akissaatitigut isumaqatigiissuteqartut, Kalaallit Nunaanni Qatserisartut Peqatigiiffianni Kanuqapemi siulittaasoq, Poul Olsen, nuannaarluni taama nalunaaruteqarpoq.
Allattoq Martine Lind Krebs
juunip 25-at 2014 07:55

- Piffissami sivitsortumi isumaqatigiissuteqalernissamut suliaq kiisami naammassigallarpoq, qatserisartullu isumaqatigiissutitigut illersorneqalernerat alloriarneruvoq annertooq, Poul Olsen oqarpoq SIK-lu qanittumik suleqatigalugu taamatut isumaqatigiissuteqartoqarsinnaasimanera aamma oqaatigalugu.

Qatserisartut ukiuni sisamani atuuttussamik isumaatigiissuteqarput. Ukiuni sisamani akissaatitigut qaffariaataasut katillugit 21,4% missaaniillutik.

Poul Olsenip naammagisimaarpai, naak illoqarfimmi sumi najugaqarneq aallaavigalugu akissaasersuineq ukiuni sisamani isumaqatigiissuteqarfiusumi attorneqanngikkaluartut Poul Olsen isumalluarpoq isumaqatigiinniaqqinnissami tamakku iluuseqarfigineqassasut, ilinniakkammi assigiit assigiik assigiimmik akissaasersorneqartariaqartut Poul Olsenip pingaartillugu erseqqissaatigaa.

Tamakkuli ukiuni tullerni sisamani eqqartornerqarsinnaanissaat neriuutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq