Qatserisartoq aalakoortuunarsoraat

Ikuallattoqartillugu kalerrisaarinermi qatserisartut sukkasumik qatserisarfiliartussaapput. Unnuakkut ikuallattoqartillugu Sisimiuni qatserisartut ilaat namminneerlutik qatserisarfimmukartariaqartarput biilertunullu allanut ilaaniartariaqartarlutik.
Allattoq Jaaku Lyberth
januaarip 23-at 2012 10:39

Qatserisartut ilaat qatserisarfiliartillugu biilinik aquttup aalakoorluni biilinut ilaaniartuusoralugu ingerlaannartoq ikinagulu, Sisimiut aviisiat Sivdlek allaaserisaqarpoq.

Taama pisoqannginnissaa anguniarlugu, Sismiuni qatserisartut pisortaata Steen Boassenip qatserisartut vestimik sungaartunik qalipaatilinnik qaamanermik qinngorfigineqaraangamik qaammartunik atortoqartunik pissarsissussimavai, tassuuna qatserisartut qatserisarfiliartuunerat takuneqarsinnaasunngorlugit.

Qatserisartut pisortaata neriutigaa, qatserisartut biilinut ilaaniartillugit qaangiinnarneqartarnerat qaangerneqarumaartoq.

- Pingaaruteqartorujuussuuvoq qatserisartup qatserisarfimmukartup biilinut ikineqarnissaa tamatumalu piaartumik pinissaa pingaaruteqarluni, Sisimiuni qatersisartut pisortaat Steen Boassen oqarpoq.

Ikuallattoqartillugu qatserisartut pisariaqartinneqartut tamakkertinnagit, qatserisartut biilii aallartinneqarsinnaanngillat, tassalu qatserisartut biiliini aquttoq, putsup iluani qatserisinnaasut sisamat ikuallatumilu qatserinermi aqutsisoq, aviisi Sivdleq taama allaaserisaqarpoq.