Qatituut tullii Katuami tusarnaartitsissasut

Kulturikkut Illorsuarmi Nuummiittumi Katuami Nunani avannarlerni qatituut tulliisa festivalertinneqarnerannik qaammatip matuma qiteqqunnerani aaqqissuussisoqassaaq. Tamanna kulturikkut illorsuup ukiunik 15-inngortorsiorneranut atatillugu pissaaq.
Allattoq Elisa Isaksen
februaarip 03-at 2012 08:17

Tamatumunnga atatillugu tusarnaartitsinerit akeqanngitsumik tusarnaariarneqarsinnaapput. Tusarnaatitsisut  ilaatigut tassaassallutik Ida Heinrich, Pål Rullestad aamma Qupannavaat.

Nunani avannarlerni qatituut tulliisa festivalertinneqarneranni, nunanit avannarlernit suleqatigiissutigineqartumi, qatituut tullii erinarsortartullu pitsaanerpaat Nunatsinneersut, Norgemeersut, Sverigemeersut, Savalimmiuneersut, Islandimeersut Danmarkimeersullu peqataassapput.

Micael Castor, festivalimik aaqqissuussisoq, Katuami aamma peqataassaaq.

Festivalip nalaani Peqatigiiffik Kalaallit Meerataat aamma katersuiniunneqassaaq, taannami Nunani Avannarlerni qatituut tulliisa festivalertinneqarneranni tapersersorneqarmat.

Festivalimi tusarnaartitsinerit kisimik pissanngillat, aamma suleqatigiikkuutaarluni oqallittoqartassaaq, ilaatigut Qupannavaanik aqutsisoq Sofi Ek, aamma Qupannavaani erinarsoqataasut ilaat peqataassallutik.

Festivali ulluni tallimani, tassa februaarip 14-iannit 19-iannut pissaaq.