Qatigattuut inoqajuitsumi ajornartorsiortitsipput
Qatigattuut Australiap inoqajuitsuani najugalinnut ajornartorsiutinngormata oqartussaasut toqoraanissaminnik pilersaaruteqalerput.
Australiami ukiuni makkunani siallinngitsoortarsimanerata kingunerisaanik qatigattuut imissaarupput. Taamaammat imissarsiorlutik nerisassarsiorlutillu illoqarfeeqqanut naasorissaasoqarfinnullu isaasalerput. Qatigattuut pissusilersornerat imak ingasatsigilerpoq allaat uumasut 900 kiilunik oqimaassusillit inuit angerlarsimaffiinut iserniartalerlutik.
Qatigattuunik toqoraanissaq pilersaarutit malillugit sapaatip akunnerata tulliani aallartissaaq. Uumasunilli illersuiniaqatigiit - pilersaarutit ingasattajaarnerarlugit akerlileereersimapput.