Qatigattooq aalakoorpoq

decembarip 08-at 2006 10:58

Irlandimi hiisternermik ilinniarfimmi julefrokosternissartik kinguartittariaqarsimavaat, tassa qatigattuup “Gus”-imik atillip tinguaqqat 200-t immiaaqqallu Guinness-it qillertuusat arlallit julefrokostimut atugassat nerillugillu imersimammagit.

Sulisut festernissaminnut atisalersoriartornerini qatigattooq ungalusaliamit anillassinnaasimavoq.

Qatigattuup aqqanilinnik ukioqartup Marokko-minngaanneersuusup qillertuusat Irlandimiut immiaaraanik tusaamasamik taartumik kimittuumillu imallit kigutiminik ammarsinnaasimavai.

Taamaalioreerami tinguarartorlunilu immiaarartorsimavoq. Qatigattooq nalliuttorsiornermi kingorna ajunngitsoq hiisternermik ilinniarfiup piginnittaa, Robert Fagan oqaluttuarpoq.

- Julefrokosternissarput qilanaaraarput qatigattoorlu qinngarinngilarput. Taannami ilakkuminartuuvoq maleruuttuullunilu, Fagan oqarpoq.