Taamatut aalajangernermut pissutaavoq qilalukkanik pisassanik sippuisoqannginnissaa qulakkeerniarneqarmat. Tamanna pinngitsoorniarlugu qassutiminnik nivinngaanissamut akuerineqarsimasut peqquneqarput qassutitik ullumikkut amussagaat.
Qassusersorluni qilalugarniarnermik atorunnaarsitsinissamut kommunit pisinnaatitaapput - kommunalbestyrelsimi pisassiissutigineqartunik peqqissaartumik nakkutilliisitsisussaapput.
Qilalukkat qernertat pisassiissutigineqartut 85-iusut ilaat 27-t Uummanami pisarineqareerput.