Qassusersorneq inerteqqutaalersinnaavoq
Sukumiisumik kukkunersiuinermut kommunit allanngortiterneqarnerat pissutaavoq, kommunikkaartumimmi aalajangersakkat maleruagassalluunniit nutarterneqassapput atorunnaarsinneqarlutilluunniit, taamaalillutik nalunaarusianut nutaanerusunut naleqqunnerulerniassammata.
Qilalukkanut qaqortanut qernertanullu qassutinik pisarineqaratrtunut maleruagassat qanganitsat aamma pineqartut, ataatsimiititaliamut akissummi erserpoq. Qassutinik piniarnissamut immikkut pisassiisoqarneq ajormat erseqqissaatigineqarpoq - piniariaasermi taanna kommunini ikittunnguani taamaallaat atorneqaqqusaammat.
- Qilalukkanik qaqortanik qernertanillu pisassiisarneq, aamma qilalukkat qaqortat qernertallu illersorneqarnissaannik nalunaarusiaq 2004-mi eqqunneqarmat, uiat, arnavissallu uiaminnik nassartut eqqissisimatinneqarnissaat ilutigalugu inatsisiliuunneqarpoq, qassutinillu piniarneq annikillineqarujussuarluni. Qassutinillu qilalugarniarsinnaanerup atorunnaarsinneqavinnissaa maanna eqqarsaatigineqartoq, Aalisarnermut Piniarnermullu Naalakkersuisoq, Ane Hansen, ilisimatitsivoq.
