Assi: KNR

Qasilitsunik seqqartaatinik atuisalernissap isorineqarneranut akissuteqartoq

Pineqatissinneqarsimasunut inissiisarfinni nakkutilliisut seqqartaatinik qasilitsunik aatsaat immikkut pisoqartillugu atuisinnaassapput.

Inuit Pisinnaatitaaffii pillugit Kalaallit Nunaanni Siunnersuisoqatigiit seqqartaatinik qasilitsunik atuisinnaanissamut siunnersuut Nunatsinni naapertuutinnginnerarlugu aviisimi AG-mi isornartorsiuereersullu, pinerluttunik isumaginnittoqarfimmi pisortaq, Naaja Nathanielsen taama oqarpoq.

- Kisianni seqqartaatinik qasilitsunik atuinaveersaartoqartariaqartumik oqariartornermut isumaqataalluinnarpunga, Naaja Nathanielsen oqarpoq.

Seqqartaatinik qasilitsunik atuisinnaanermik siunnersuut eqqartuussisarnermut inatsimmi pinerluttulerinermilu inatsimmi allannguutissatut siunnersuutini ilaasoq, inatsisinik atuutsitsinermut naalakkersuisumit, Martha Lund Olsenimit, Inatsisartut ukiaanerani ataatsimiinneranni saqqummiunneqassaaq. Allannguutissatullu siunnersuutit Inatsisartunit akuerineqarnissaat danskit inatsisinut atuutsitsinermut ministeriata kissaatigaa.

Aamma atuaruk Qasilitsunik seqqartaatinik atuisoqalernissaa isornartorsiorneqartoq

Qasilitsunik seqqartaatit Danmarkimi 2011-mi atorneqalerput, taamaattumillu Danmarkimi parnaarussat qasilitsunik seqqartaammik seqqartarfigisitissimasut inuit pisinnaatitaaffii pillugit siunnersuisoqatigiinnit apersorneqarput, apersorneqartullu oqaluttuarput allaanngiivissoq imermik qalattumik kiinnakkut kuineqarluni allaallu ipilersutut misiginangajalluni.

Qasilitsut isikkut tassanngaannaq noqartoornermik tamatumalu malitsigisaanik isigisaarunnermik minutsit 45-it angullugit sivisussuseqarsinnaasumik kinguneqarsinnaasoq, aviisi AG naapertorlugu peqqinnissaq pillugu aqutsisoqarfimmit nalunaarusiami oqaatigineqarpoq.

Seqqartaatit qasilitsut qaqugu, sooq qanorlu atornissaannut allaatiginnittoqarumaartoq, atuisimanermilu nalunaarsuisoqarlunilu nalilersuisoqartarumaartoq, Naaja Nathanielsenip neriorsuutigaa.

- Taamaalilluta unitsikkuminaallinaveersaartissavarput. Immikkorluinnaq aatsaat pisoqaraangat inissinneqarsimasunullu eqqaaniittunulluunniit navianartoqartillugu atuisoqarniassammat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat