Qasigiannguit ilimaginngisamik tikeraarpaat
FRAMip nalunaaquttap akunnialuinik tikinnissaa sioqqutilaannguarlugu, Qasigiannguani Katersugaasiviup pisortaa, Anne Mette Olsvig nalunaarfigineqarpoq, takornariat tikingajalersut.
Pinngortitamik kulturikkullu eriagisassanik takornariagassaannik tuaviinnaq , Qasigiannguani akunnittarfik Hotel Diskobay suleqatigalugu sulissuteqapallappoq.
Ulloq nuannersoq naggaserlugu takornariat oqaluffimmi erinarsoqatigiinnit tusarnaartinneqarput.
Qasigiannguit avataanniittut sikut takornarianit alutorineqarsimaqaat, ippassarlu ullup alianaannersua eqqorneqarmat Qasigiannguit takornariarfitsialassuartut Ilulissanut nallersuunneqarsinnaasorineqalerpoq.
Qasigiannguani Katersugaasiviup pisortaata, Anne Mette Olsvigip, oqarnera naapertorlugu, umiarsuit takornariartaatit mikinerusut eqqarsaatigalugit Qasigiannguit taakkununnga naleqqulluartuuvoq.
Qasigiannguani innuttat ikiuussimasut tamaasa Anne Mette Olsvigip qutsavigai.