Qasigiannguit eqqaanni nuna ikuallappoq
Qasigiannguit avataanni nuna ungasinngitsukkut ikuallalerpoq. Qatserisartut nalunaaquttap akunnerata affaata matuma siorna qatseriartorlutik aallarput, nunalu qanoq annertutigisoq ikuallannersoq politiit suli oqaatigisinnaanngilaat, inunnik ajoqusertoqarsimanersoq suli aamma ilisimaneqanngilaq.
Qasigiannguit eqqaanni Nipisami, najugaqarfigineqanngitsumili, pujortorujussuuvoq, Qasigiannguani politiit Radioaviisimut ilisimatitsipput.
Nunap ikuallanneranut pissutaagunarpoq kiannerujussua nunallu panernerujussua, politiit naliliipput.
Qasigiannguani ullumikkut 15-it missaannik kiappoq.