Qasigiannguit aatsaat taama kiatsigisut
Qasigiannguit kiannerpaaffiat tassaavoq marlunngorneq juulip 10-at. Illoqarfimmi innuttaasut 1270-sut kiassuaq nalunaaqutaq ataatsimiit arferngup tungaanut malugaat, 23,3 gradinik kiattoq.
Asiap Qasigiannguani silap kiassusaanik ukiuni 21-ni nalunaarsuisaleramili aatsaat taama kiatsigisoq uuttorpaa, Asiami silamut tunngasumik suliaqartartoq, Per Hangaard uppernarsaavoq.
Maajip 29-anni oqaluttuaraarput nunarput aatsaat taama ukioq manna kiatsiginerarlugu, Narsarsuaq 24,2 gradinik taamani kiatsigimmat.
Asiaq nunamik uuttortaanermik ilaatigut suliaqartarpoq. Suliffeqarfiup nittartagaani sumiiffiit ataasiakkaat silaasa qanoq inneri, soorlu qanoq kiatsigineri anorlertiginerilu takuneqarsinnaapput.