Qasigiannguanut immap naqqatigut kabeliliisoqarsinnaanersoq Tele-Postip misissorniarpaa
Kabelip Nuuk, Maniitsoq, Sisimiut, Aasiaat avannarpasinnerugallartutullu Qasigiannguit attavilissavai.
Canadamiut suliffeqarfiutaat IT Telecom misissuitinneqassaaq, kabelip aqqutissaa pitsaanerpaaq taakku nassaariniartussaassavaat; taannalu Greenland Connect Northimik taaguuserneqarluni.
Ukioq manna maajip naalerneranit juulip aallartinneranut misissuisoqassaaq suliffeqarfiillu Nunatsinniittut qanittumik suleqatigalugit pissasoq, TelePost tusagassiuutinut nalunaarummini allappoq.
IT Telecom-imut isumaqatigiissutigineqartut suliassat 35 procentii Nunatsinni suliffeqarfinnit suliarineqassapput, umiarsuarlu Arctic Hunter, Nuummi Martek ApS-imit pigineqartoq atorlugu misissuisoqassalluni.