Qasigiannguani utoqqaat illuat
Qasigiannguani utoqqaat illuannik peqalernissaq anguniarneqarpoq. Taamaammallu qanoq aningaasalersorneqarnissaanik siunnersuuteqartoqarluni. Blokkimik iluarsartuussisoqarnissaanut aningaasanik atugassanik 11 millioni koruuninik, kommunimi karsimik utoqqaat illuannik taallugu nuussisoqartoq, illoqarfimmi borgmesteri Jess Svane oqarpoq.
- Qasigiannguani ininik 50-nik inigineqanngitsunik peqarpugut, utoqqaallu illussaannut aningaasat pisariaqartinneqarnerupput, Jess Svane oqarpoq.
Taanna Nuummeqqammerpoq siunnersuut Jørgen Wæver Johansenimut saqqummiukkiartorlugu.
Pilersaarutigineqarpoq utoqqaat illussaat kommunimit affaa, affaalu Namminersornerullutik Oqartussanit akilerneqassasoq. Kommunili neriuppoq akiligassap annersaa Namminersornerullutik Oqartussat taamaalillutik akilersinnaassagaat. Utoqqaat illussaat 27 millioni koruuninik akeqassangatinneqarpoq.
Inatsisartut upernaakkut ataatsimiinnissaannut atatillugu Kristian Jerimiassen Atassummeersoq naalakkersuisunut apeqquteqaateqarpoq, aningaasat 11 millioni koruunit, blokkip iluarsaannissaanut atugassaraluit utoqqaat illuliornissamut nuutinneqarsinnaanersut.