Qasigiannguani Royal Greenlandip suliffissuani sulisinnaasut inissaqartinneqaraluarput

”Mobilitet fonden, nuttarnerulernissamut aningaasateqarfik aasaanerani qaammatit arfinillit tikillugit atorneqarsinnaalernissaa siunnersuutigaarput ” Jess Svane oqarpoq.

Qasigiannguit Kommuniat, Royal Greenland aamma Namminersornerullutik oqartussat suleqatigiillutik, fabrikkini sulisinnaasut najugaqarfigisinnaasaannik nassaarsinnaanissaat Jess Svanep siunnersuutigaa, taannami isumaqarpoq inuiaqatigiinnut tamanut iluaqutaajumaartoq.

Qasigiannguit Kommuniat illoqarfinnit allaneersunit saaffigineqartarpoq, Qasigiannguani Royal Greenlandip suliffissuani sulerukkaluartunit, inissaqartinneqanngitsunilli.

Royal Greenlandip aalisakkanik suliffissua Qasigiannguaniitoq sulisussanik 30-inik amigaateqarpoq.

Jess Svane ilanngullugu oqarpoq Qasiginnguani suliartorsinnaasunut naammattunik inissaateqarlutik taakkuali inissiaatileqatigiiffiup INI a/s-ip inissiaatileqatigiiffinnut allannut atukkiukkusunngilai, Jess Svane oqarpoq.

Sinerissami illoqarfinnit allaneersut Qasigiannguit Kommuniannut saaffiginittarsimapput, Qasigiannguani Royal Greenlandip aalisakkanik suliffissuani sulerusuttunit, taakkuali inissaqartinneqanngillat.

Royal Greenland aamma inissiaatileqatigiiffik INI a/s oqaaseqartinniarsimagaluarpagut iluatsinnatigilli.