Qasigiannguani qimmeq pillugu saqqummersitsisoqartoq

Qasigiannguani QIMMEQ pillugu saqqummersitsineq ullumi nal. ataatsimut ammarneqassaaq, pilersaarutilli malillugit illoqarfinni katersugaasivinni allani aamma takutinneqassamaarpoq.

Qimussertarnerup ineriartortinneqarnissaa atatiinnarneqarnissaalu saqqummersitsinerup siunertarivaa.

Qasigiannguani saqqumemersitsisoqareerpat nunatsinni katersugaasivinni arfineq pingasuni saqqummersitsineq angalaartinneqassaaq.  Saqqummersitsineq Danmarkimi Knud Rasmussens Hus NATURAMA-milu takutinneqassaaq.

- Saqqummersitsinerup ammarnissaa qilanaarutigaarput. Ilisimatuutut misissuinermi suliaq illoqarfinilu katersugaasiviit assigiinngitsut suleqatigiinnerat saqqummersitsineup immikkuullarissutigaa, qimmeq pillugu suliniut katersugaasiviillu immikkut tamarmik katersukkanik ilisimasanillu saqqummersitsissapput,  suliniuteqaqataasoq, Pipaluk Lykke taama ilisimatsisisoq.

Saqqummersitsinerup saniatigut isiginnaagassiamik isiginnaartitsisoqassaaq aamma assit nutaat assitoqqallu takutinneqartussaallutik. Meeqqanuttaaq sammisassaqartitsisoqassaaq. 

Saqqummersitsinerup aaqqissorneqarnerata ilagivaa, katersugaasivinni nammineq illoqarfiup qimmeq qimmeqarnerlu pillugit oqaluttuassartaata saqqummiunneqarnissaa.

Qasigiannguit Katersugaasiviani ningiu, Anne Mette Olsvig, QIMUSSERSUAQ-komité ilisimatuullu QIMMEQ-mit sinnerlugit ullormut pilersaarutinik katiterisuuvoq.

Kalaallit qimuttuat qimussertarnerlu pillugu saqqummersitsineq tallimanik sammisassanik pingaarnernik tunngaveqarpoq:

Qimuttup timaata kingornussaanut tunngasoq amaqqumullu atassuteqarnera
Qimuttup timimigut piginnaasaa ullutsinnilu peqqissusaa
Ullutsinni qimussertarneq
Qimussertartup atisai atortuilu
Qimuttuuteqarneq sungiusaanerlu
Qimuttuuteqarneq qimussertarnerlu pillugu illoqarfinni assigiinngtisuni oqaluttuat  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat