Qasigiannguani qalerallerivik matuppat, aningaasaqarnerat isasuussaaq

Qasigiannguani aningaasarsiorfituaq qalerallerivik matussagaluarpat Qasigiannguit aningaasaqarnermigut isasuussaaq, Qasigiannguani borgmesteri Siumumeersoq Jess Svane taama oqarpoq:

- Akissaqarpugut ingerlatassatsinnut, kisianni ukiorpassuanngortuni Qasigiannguit kommuniat aningaasatigut killerpiarpiamini inissinnikuuvoq. Imatut oqaatigalugu suliffissaqartitsiniarnikkut isumalluutituarsuarput Royal Greenlandi unippat aningaasatigut ajutoorsinnaanerput angusinnaavarput. Tassa tigoriaannaatigut tilsynsrådiminngaanniit piumasaqaatit malillugit taakkua 3 halv millionit killerpiarpiaminiittuaannaavinnikuugamik ukiuni arlalinngortuni, taama oqarpoq Qasigiannguani borgmesteri Jes Svane.

- Tassa fabrikki unissagaluarpat aningaasaqarnersi isasuussaaq?

- Fabrikki unissagaluarpat, takanani sulisut amerlassusaat eqqarsaatigalugit qaammammut 1 millionit missaat atortussaavagut, tassalu qaammatit marluk pingasut qaangiuppata karserput tigoriaannaataaruttussaavoq.

- Namminersornerullutik Oqartussani oqaloqatiginninnissarsi qanoq isumalluarfigitigaasiuk?

- Soorunami isumalluarfigivarput, Namminersornerullutik Oqartussat namminneerlutik sinerissap qanittuani raajarniutikillisaaneq ingerlannikuuaat. Taanna suliffissuarmik nutaarsuarmik taarteqartinneqarnikuugaluarpoq, kisianni avataaninngaanniit pilersorneqarnikkut taanna ingerlavoq, taamaammat isumaqarpugut Namminersornerullutik Oqartussat tassa Inatsisartut pisussaaffeqartut arlaannik pilersitsiniarnissamut namminneerlutik tamakkiisumik aningaasaliinisssamut.

- Ilissimi nammineerlusi arlaannik takorluugaqareerpisi, qanoq ilillusi aningaasanik pissarsisinnaanissinnik?

- Takorluugaqareerpugut, aamma siusinnerusukkut neqeroorutitsinnik nassiussaqareernikuuvugut ajoraluartumik maannamut akineqarnikuunngilagut, ilaatigut aningaasanik attartornikkut nammineerluta aamma aningaasaleeqataasinnaanerput siunnersuutigalutigu.

- Tassa suna takorluugarivisiuk soorlu?

- Ilinniartoqarfiusinnaasut arlaat maanga inissinneqarsinnaappat, taanna aamma qineqqusaarneq sioqqutitsiarlugu annertoorujussuarmik oqallisaasoq sumiginnaanerit ilaqutariittut nukittorsarsinnaanerit tamakkua maani inissaqartikkaluarpavut pilersinneqarsinnaappata, taama Jes Svane naggasiivoq.

Qasigiannguani kommuneata aningaasaqarnermut ataatsimiisitaliaa sapaatip-akunnerani uani Nuummukartitsilluni naalakkersuisunik ataatsimeeqateqartussaagaluarpoq, tamannali januaarimut kinguartinneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat