Qasigiannguani ikuallatsitseriarnerit unikaallapput
Politiit takunnissimasinnaasunik tusagassiuutit aqqutigalugit saaffiginneqqusillutik kaammattuisaqattaarput, taamaaliornerullu kinguneraa ikuallatsitseriaasaqattaarnerit takussaajunnaarnerat.
Qasigiannguani Politiit ikuallatsitseriaanernut atatillugu suli tigusarinninngillat, taamaakkaluartoq apersuisimapput.
- pasisagut killisioraluarpagut, inuillu apersorlugit iluatsinngitsumilli, Qasigiannguani politeeqarfimmi pisortaq, Jørgen Nedergaard oqarpoq.
Taanna isumaqarpoq tusagassiuutitigut ikuallatsitseriaqattaarnerit eqqartorneqartarneri, ikuallaannginnissamut paasisitsiniaanerusoq, ikuallatsitseriaanernillu unitsitsisoq.
Innuttaasut aamma ikittartut asuliinnaq atorneqannginnissaannut eqqumalerulertut maluginiarneqarpoq.