Qasigiannguani hashi 133 grammi arsaarinnissutigineqarpoq
Qasianguani politiit ilisimatinneqarput arnaq umiarsuarmi ilaasartaamut Qasigiannguanut ingerlaartoq, ikiaroornartumik hashimik nassataqartoq.
juulip 20-at 2009 10:34
Umiarsuaq ippassaq ulloqeqqata missaani Qasigiannguanut tulammat, arnaq misissorneqarpoq, kuffertianilu hashi 133 graminik annertussuseqartoq arsaarinnissutigineqarluni. Arnaq Qasigiannguanut tikeraartoq maanna politiinit tigummineqarunnaareerpoq pasineqarlunili. Suliaq suli politiinit misissorneqarpoq.
Sapaatit akunnerit marluk matuma siorna, Qasigiannguanissaaq hashi 72 grami allakkatigut nassiunneqarsimasoq politiinit arsaarinnissutigineqarpoq.
- Illoqarfitsinni ikiaroornartumik eqqussisoqannginnissaa suliaraarput, Qasigiannguani politiit ittuat Karl Vinther radioaviisimut oqarpoq.
