Qasigiannguani attaveqaatit iluarsipput
Qasigiannguani internettikkut oqarasuaatitigullu angallattakkatigut ajornartorsiortoqarnera maanna qaangiuppoq.
Allattoq Karsten Sommer
Nutserisoq Elisa Isaksen
Internettimut attaveqaat oqarasuaatitigullu angallattakkatigut kiffartuussinerit arlallit ippassaanili attaveqanngillat, Qasigiarmiulli maanna attaveqaqqilerput.
Internettimut attaveqaat Qasigiannguani attaveeruttoorsimagaluartoq, TELE-POST-imit ilisimatitsissutigineqarpoq.
AAMMA ATUARUK Qasigiannguit attaveeruttut
Internetimut attaveqaat nutaaq Ilulissanit Qasigiannguanut qulimiguulimmik attartukkamik Bell 212-imik ippassaq unnukkut apuunneqarpoq.
Attaveqarnerlu teknikerit ingerlaannarlutik aaqqereeraat, aamma attaveqaatit tamarmik aaqqinneqartut, Malik Rosingip Tele-Postimeersup oqaatigaa.