Qarsutsinersuaqarmat 17-it ajunaarput
Thailandimi nunap immikkoortuini arlalinni siallerujussuarnerata kinguneranik qarsutsinersuaqarmat, inuit 17-it ajunaarput.
Allattoq Apollo Jeremiassen
Qarsutsinersuaqarnerata kinguneranik aseruatiterneqartut koruunit milliardit aappaata affaanik naleqartut oqaatigineqarpoq.
Sapaatip akunnerata naanerani siallerujussualermalli, Thailandimi nunap immikkoortui 29-t eqqorneqarput, tassalu illoqatigiit 211.946-t aamma nunaatit 400.000 hektarit eqqorneqarlutik.
Thailandip avannaa, ingammik nunap immikkoortua Nakorn Rachasima aamma nunap qiterpasissua, qarsutsinersuarmit eqqugaanerullutik.