Qarsutsinersuaq eqquinerlupppoq
Australiami qarsutsinersuaqarnerata nassatarisaanik, nunap immikkoortuani Queenslandimi nunap ataqatigiinnermut attaveqarfii akornuserneqarput, Queenslandimi aamarsuarnik piiaaffiit 75 procentit maanna uninngapput, taaakku Kinamut tunisassiortuupput.
januaarip 05-at 2011 05:47
Australiami qarsutsinersuaq ima annertugaaq allaat Tyskland aamma Frankrig ataatsimut katullugit annertoqqatigalugu. Illoqarfiit qeqertatut iluseqalersimapput marraannanngorlutik, naatitat aserorterneqarsimapput, aqquserngit matoqqapput, avammut tunisassiorneq matoqqavoq, taamaattoqarneranilu nunarsuatsinni aamarsuit akii qaffassimallutik.
Qarsutsinersuup illoqarfiit 22-it eqqorsimalerpai, inuit 200.000-it missaanniittut eqqorneqarlutik inuillu 14-it maannamut ajunaarsimallutik.
Queenslandimi pisortat maanna mianersoqqusipput, inuit kuussuit eqqaanniissanngitsut, ipisoqarnissaa pinnagu aammali uumasut ulorianartut, soorlu pulateriaarsuit aamma kuukooriarsuit pillugit.
