Qarliit akisungaartorsuit pillugit eqqartuussivik aqqutigalugu korea kujallermiut aappariit akiligassinneqarujussuarsimapput.
Ukiut arfineq-marluk matuma siorna aappaariit koreamiut Washington-imut nuukkamik atisanut eqqiaavimmik (tassa renserivimmik) ammaasimapput. Taamaaliorsimasussaanngikkaluarpulli.
Ukiut marluk matuma siorna eqqartuussiviup dommeria aappariit atisanut eqqiaaviutaanut kavaajaaqqani qarlinilu eqqiartikkiartorlugit iserpoq. Ullormili aaneqarfissaanni qarlittai nassaarineq ajulersimavaat.
Aatsaalli sapaatip-akunnera ataaseq qaangiummat qarliit nassaarineqarsimallutik,…kingusinaareerpulli, tassami sapaatip-akunnerata ingerlanerani dommerip qarleersernini kamaatigalugu aappariit renseriviutaat eqqartuussivimmut suliassanngorlugu tunniussimavaa. Piumasaralugulu aappariit taakku dommerimut tassunga koruuninngorlugu 350 mio. koruuninik taarsiissasut.
Dommerillu taassuma taamaarujussuaq piumasaqarnermi saniatigut aamma piumasarisimavaa, sapaatip-akunnerata naaneri tamaasa aappariit taakku akiligaannik biilinik atukkerneqartarnissani, taamaalilluni renserivimmut allamut ingerlasinnaanerussagami.