Qarleqarmata iperartorpaat
Sudanimi arnat kristumiusut upperisallit qarlinnik atisaqarnitik pillugit iperartorneqarput, taamatullu atisaqarneq Sharia aallavigalugu inatsimmi inerteqqutaasoq, Danmarkip Radioata nittartagaani allaaserineqarpoq.
juulip 13-at 2009 12:45
Arnat 13-it illoqarfiit pingaarnersaanni Khartoumimi neriniartarfimmeeqatigiitillutik politiinit 30-nit unguneqarput, qarlilisaarnertillu pissutigalugu tigusarineqarlutik.
Suliaq ingerlaannaq naammassiniassammat arnat ilaat tigusarineqarnerminni nassuerput inatsisip piumasaa malillugu atisalersorsimannginnamik. Nassuereermatalu iperaattamik iperartorneqarput, tamarmik immikkut qulinik iperartorneqarlutik.
Arnat tigusarineqartut ilaasa taamatut pineqarnertik naammaginagu eqqartuussivimmut suliakkiussilerput, tassami Sharia aallaavigalugu inatsit Sudanimi inunnut muslimisut upperisaqanngitsunut atuutissanngimmat.
