Qaratsamikkut innarluuteqalersimasut utoqqaat illuini napparsimmavinniluunniit inissinneqartarput

Nunatsinni qaratsamikkut innarluuteqalersimasut, aamma qaratsamikkut aanaartoornermik kingunerisaanik qaratsamikkut innarluuteqalersimasut, 63-it inorlugit ukiullit, katillutik 19-it sineriammi isumaginninnikkut inatsit naapertorlugu aningaasaliiffigineqartumik, utoqqaat illuini imaluunniit napparsimmavinni ineqartinneqartut, Ilaqutariinnermut Pisortaqarfik ilisimatitsivoq.

Taakkunannga 19-iusunit amerlanerpaat utoqqaat illuini ineqartinneqartut Pisortaqarfik ilisimatitsivoq.

Sineriak tamaat isigissagaanni qaratsamikkut innarluuteqalersimasut Nuup kommuneani najugaqartut amerlanerpaapput. Tassani 63-it inorlugit ukiullit aqqaneq marluupput, taakkulu utoqqaat illuini najugaqartinneqarput. Taakkunannga aqqaneq marluusunit arfinillit qaratsamikkut aanaartoorsimasuupput.

Sinerissap sinneranut paasiniaanitta ersersippaa, qaratsamikkut aanaartoorsimasunik aamma utoqqaat illuinut ataasiakkaatigut inissiisoqarsimasoq. Aammali, soorlu Ilulissani, utoqqaat illuat pillorissaasumik atorfinitsitsinissamik maanna suliniuteqarpoq qaratsamikkut innarluuteqarlersimasunik sullissineq pitsaanerulersinniarlugu.