Qaqortup kommuneata Ilaqutariinnermut Pisortaqarfik isumaginninnermut naammagittaalliuteqartarfimmut naammagittaalliutigaa.
Angummik 39-inik ukiulimmik qaratsamigut aanaartoorsimasumik utoqqaat illuannut inissiisimaneq naammagittaalliutiginninnermut pissutaavoq.
Angutip ikiorneqarnissamik pisariaqartitsisup utoqqaat illuanni najugaqarnissaa, kommunip tulluarsorinngilaa, Danmark-imili qaratsamikkut innarluuteqalersimasut najugaqarfiannut inissinneqarnissaa kissaatiginerullugu.
Tamannali Danmark-imi peqqinnissaqarfimmit Ilaqutariinnermullu Pisortaqarfimmit itigartitsinneqarpoq.
Angut qaratsamigut innaarluuteqartoq maannakkut Qaqortup napparsimmavianiitinneqarpoq sullissisussaqanngimmalli apriilip aallaqqaataani – tassalu sapaatiuppat - napparsimavimmiit angerlartinneqassaaq.
Angut qaratsamigut innarluuteqalersimasoq, utoqqaat illuannut piguni, utoqqaap 92-inik ukiullip inissaraluara tigussagaa, borgmesteri Simon Simonsen allappoq.