Qarasaasiat pillugit politikkeqalernissami meeqqat inuusuttullu pingaarnerussapput

Nunani killerni siuarsimanerusuni atugassarititaasunut assigusumik nunatsinni meeqqat inuusuttullu ilisimasanik ilinniartitaanikkullu aallaavinnik tunngavissiuunneqarnissaat, Namminersorlutik Oqartussat nuna tamakkerlugu qarasaasiat pillugit politikkeqarnissamut najoqqutassiuinerannut atatillugu Sulisitsisut Peqatigiiffiat kaammattuuteqarpoq.
Allattoq Jaaku Lyberth
oktobarip 02-at 2009 06:50

Qarasaasianik attaveqaatinillu aningaasaliinerni ilisimasanik aallaaveqartunik suliffinnik pilersitsisoqassaaq taamaaliornikut Kalaallit Nunaat nunat tamat akornanni unammileqatigiinnermi peqataalerluni.

Ukioq 2010 naalernerani Kalaallit Nunaanni meeqqat atuarfii tamarmik peqqinnissaqarfimmilu sulliviit tamarmik qarasaasiat atorlugit ilisimasanik avitseqatigiinnissamillu aallersinnaanissaat sulisitsisut peqatigiiffiata Sulisitsisut Peqatigiiffiata erserqqissaarpaa. Uani ilanngunneqarlunik teknikki oqartussaasseqarnerlu.

Nuna tamakkerlugu qarasaasiat atorlugit suleriaasissamik siunnersuut saqqummiunneqarpoq Naalakkersuisut, KANUKOKA, IMAK aamma suliffeqarfiit Sulisitsisunut ilaasortaasut ataatsimiillutik oqallinnerisa kingorna.

Nuna tamakkerlugu qarasaasiat pillugit politikkeqalernissaq pillugu soqutigisaqaqatigiit isumaat tusarusullugit ataatsimiinneq ingerlanneqarpoq.

Atuarfinni taamatullu peqqinnissaqarfiup suliffeqarfiini qarasaasianik atuinerup annertussusiinik naatsorsuisoqarnissaaq innersuussutigineqartut ilagaat, taamaaliornikkut siunissani qarasaasiat pillugit suleriusissat ilusilersorneqassammata, Sulisitsisut peqatigiiffiat Grønlands Arbejdsgiverforening allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq