Amerikami demokraatit repiblikanerillu qarasaasiaat qarasaasianut unioqqutitsillutik iserniarsarisartuit præsidentimut qinersinissamut qaammatit marluujunnaartullu saassunneqartut, Microsoft ilisimatitsivoq.Assi: KNR/Anton Gundersen Lihn

Qarasaasianut unioqqutitsillutik saassussisut Microsoftimit paasisaasut

Russit qarasaasianut unioqutitsillutik iserniartartuisa suliniaqatigiiffiit 200-t qarasaasiaannut Amerikami præsidentimut qineqqusaarnermut tunngasunik paasissutissartalinnut saassusseriaraluarsimapput.

Russit, kinamiut iranimiullu Amerikami inuit suliniaqatigiiffiillu præsidentimut qinersinissamut attuumassuteqartut qarasaasiaannut unioqqutsitsillutik iserniarsarisimapput.

Qarasaasialeriffissuaq Microsoft tusagassiuutinut sisamanngornermi nalunaarummini taama ilisimatitsivoq.

- Nunat allamiut Amerikami præsidentimut qineqqussaarnermi sulianut qarasaasianut unioqqutitsillutik iserniarsarinertik annertusisimagaat paasivarput, Microsoft nalunaarummini allappoq.

Russit qarasaasianut unioqqutitsillutik iserniartartut, USA-mi demokraatit partiiannut 2016-mi saassusserujussuartut, Amerikamiut præsidentimut qinersinerannut maannakkut pisumut aamma saassusisuusut, Microsoft ilisimatitsivoq.

Demokraatit republikanerillu qarasaasiaat qarasaasianut unioqqutitsillutik iserniarsarisartunit saassunneqartut

Tamatumuuna demokraatit republikaanerillu taakkununngalu siunnersortit qarasaasiaannut unioqqutitsillutik iserniarsarisimapput.

Russit qarasaasianut unioqutitsillutik iserniartartuisa suliniaqatigiiffiit 200-t saassussimavaat. Amerlasuut qinersinermut toqqaannartumik toqqaannanngikkaluamilluunniit attuumassuteqartut, Microsoft ilisimatitsivoq.

Irakimiut kinamiullu qarasaasianut unioqqutitsillutik iserniartartut qassit saassussisimanersut Microsoftip nalunaarutaani ilisimatitsissutigineqanngilaq.

Kinamiulli qarasaasianut unioqqutitsillutik iserniartartui qarasaasianut, Joe Bidenip qineqqusaarneranut Donald Trumpillu allaffeqarfiani sulisimasumut tunngasunik paasissutissartalinnut isersimasut, suliffeqarfissuaq ilisimatitsivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat