Qarasaasiami atuinermi kalaallisut oqaasiinik atuinissamut siunnersuuteq

Qarasaasiami atuinermi taaguutit kalaallisut taaguuserlugit atugaanerulernissaat anguniarlugu Oqaasiliortut, qarasaasialeriffik KIMIK IT A/S aammalu qaraasaasialiorfissuaq Microsoft suleqatigiilerniarlutik isumaqatigiissuteqarput.

Nittartakkamut www.Oqaasileriffik.gl-imut iseriarlutit ulluinnarnarni qarasaasiami qallunaat oqaasiinik imaluunniit tuluit oqaasinik atuillutit atortakkatit, maanna kalaallisut taaguuserneqarnissaanut siunnersuuteqarsinnaangorputit.

Qarasaasiami atuinermi kalaallisut taagusersuisinnaanngorneq pilersinneqarpoq Oqaasileriffiup, KIMIT –IT A/S-p

aammalu Microsoftip suleqatigiinnerisigut.

Oqaasileriffimmi atorfilik Nuka Møller oqarpoq qarasaasianik atuisartut 18-inik ukioqalereersimasut siunnersuuteqarsinnaasut:

- Qarasaasiamik atuisartut periarfissikkusuppavut oqaatsinik qarasaasiamik atuinerminni atortakkaminnik siunnersuuteqarnissaannut. Tamanna piviusunngorsinnaasimavoq Kimik IT- A/S aammalu Microsoft suleqatiginerisigut.

Nuka Møller isumaqarpoq kalaallisut taagusersuineq oqaatsitta ineriartortinnissaanut pingaaruteqartoq.

- Oqaatsitta ineriartortinneqartuarnissat pingaaruteqarpoq aamma qarasaasiatigut ineriartornermi kalaallisut taaguusersuineq pingaaruteqarluinnarpoq.

Nittartakkami www.oqaasileriffik.gl kalaallisut taaguusersuinermi siunnersuuteqarneq atuisunut akeqanngilaq.