Qarasaasialerisut akiliisitaarujussuartut
Pisortat suliffeqarfiutaanni piginneqataaneq akisusinnaavoq.
Nunatta eqqartuussiviatami ulapputigaa, Kanukokamut suliffeqarfimmullu KIMIK IT-mut tunngassuteqartoq.
Qarasaasialerisarfik KIMIK IT 1999-imi Kanukokamiit sulliussiunnaarmalli suliaq aallartippoq.
Suliallu eqqartuussivimmi ingerlanneqarneranut tunngatillugu, qarasaasialerisarfiit piginneqataasut arlallit tamarmik immikkut 8 mio. koruuninik qaavatigullu 500.000 koruuninik akiliisussanngortinneqarput.
Pineqaatissiinermi ilaatigut tunngavilersuisoqarpoq, KIMIK IT suliffeqarfittut ingerlaannaraluarluni suliffeqarfittut namminersortutut pilersaarutit naapertorlugit ineriartorsimanngitsoq.
Eqqartuussivik isumaqarpoq, Kanukokap pigisai, soorlu: init, pequtit, maskiinat allaallu inigisat naatsorsuinernullu tunngassuteqartut Kimik IT-mit atorneqarsimasut.
Taamatuttaaq eqqartuussivik tunngavilersuivoq,
eqqartuutitinniagaq eqqunngitsumik itigartinneqarsimasoq, tassami KIMIK IT-p Kanukoka piginneqatigiittut peqatigissallugu itigartissimavaa, naak pigisat nalillit Kanukokamit pigineqaraluartut.
KIMIK IT-illi pisortaa Ian Norman oqarpoq, suliaq suli naammassinngitsoq. Taakku piginneqatitillu allat suliaq allatut iliorlutik maalaarutigeqqinnialersaalerpaat.
- Isumaqarpugut Østre Landsret-itumut suliassanngorteqqikkutsigu allatorujussuaq inerneqarumaartoq, KIMIK IT-ip pisortaa suli kommuninik tallimanik sullissisoq oqarpoq.
Kanukokalli tungaaniit tamanna eqqissisimasumik qisuariarfigineqarpoq.
- Tamannami periarfissaasinnaavoq, takussavarpulli qanoq pisoqarumaarnera, Kanukokami pisortatut tullersorti Lars Olsen oqarpoq.
Suleqataasut aalajangersimasut piginneqataalernissaat sunniuteqarnerunissaallu pissutigalugit KIMIK IT-ip 1999-imi avissaatneranut tunngavilersuutinut ilaavoq.
